LAC પર ભારત-ચીન વચ્ચે તણાવ ઓછો થયો, ચાર દિવસોથી શાંત ચીની સૈનિકો પાછળ હટ્યા

6 જૂને બંને દેશો વચ્ચે લેફ્ટિનેન્ટ જનરલ સ્તરની વાતચીત થવા જઈ રહી છે, જે એક સકારાત્મક પગલું છે

નવી દિલ્હી : ભારત અને ચીન (India-China)વચ્ચે છેલ્લા લગભગ એક મહિનાથી લાઇન ઓફ એક્ચુઅલ કંટ્રોલ (LAC)પર તણાવ યથાવત્ છે. આને લઈને બંને દેશો વચ્ચે સૈન્ય અને ફૂટનીતિક સ્તરની વાતચીત પણ ચાલી રહી છે. એવા સમયે જાણકારી મળી છે કે છેલ્લા 3-4 દિવસોથી ચીની સેના પીપુલ્સ લિબરેશન આર્મી (Peoples Liberation Army)ની સરહદ પર કોઈ ગતિવિધિ થઈ રહી નથી. તમને જણાવી દઈએ કે પીએલએ (PLA)ના સૈનિક એલએસી પાસે અલગ-અલગ સ્થાન પર એકત્રિત છે.

સૂત્રો દ્વારા મળેલી જાણકારી પ્રમાણે એક સ્થાન પર પીએલએ પોતાની હાલની પોઝિશનથી લગભગ 100 યાર્ડ્સ પાછળ ચાલ્યા ગયા છે. હાલમાં કોઈ મોટી ગતિવિધિ કરી નથી. ચીનના સૈનિકોએ પોતાનો ઉગ્ર વ્યવહાર પણ બતાવ્યો નથી. પૂર્વી લદ્દાખ પાસે ચીની વાયુસેનાના વિમોનોની ઉડાનને લઈને પણ ભારત અને ચીન વાતચીત કરી રહ્યા છે.

સૂત્રોએ જણાવ્યું કે બંને તરફથી અધિકારીઓ વચ્ચે મે ના પ્રથમ સપ્તાહથી શરુ થયેલા આ વિવાદ પછી લગભગ 12થી વધારે વખત વાત થઈ ચૂકી છે. ઉલ્લેખનીય છે કે મે ની શરુઆતમાં ચીનના લગભગ 5 હજારથી વધારે સૈનિકો એલએસી પર મોકલી દીધા હતા અને તે ભારતના કેટલાક ભાગમાં આવી ગયા હતા. 6 જૂને બંને દેશો વચ્ચે લેફ્ટિનેન્ટ જનરલ સ્તરની વાતચીત થવા જઈ રહી છે, જે એક સકારાત્મક પગલું છે. પૂર્વી લદ્દાખના સેક્ટરમાં હાલ ભારત અને ચીનની સરહદ પર તૈનાત સૈનિકોની સંખ્યા લગભગ એક સરખી થઈ ગઈ છે.