કોરોનાને લઇને રાજ્ય સરકાર શું છુપાવવા માંગે ? પ્રજાને જરૂરી એવી આ વિગતો આપવાનું બંધ કર્યું !

source

છેલ્લા 24 કલાકમાં વધુ 361 પોઝિટીવ મળતા ગુજરાતમાં કોવિડ- 19ના કેસોની સંખ્યા 14,829એ પહોંચી છે. મંગળવારે અમદાવાદમાં વધુ 23ના મૃત્યુ થતા આ એક જ શહેરની હોસ્પિટલોમાં કુલ મૃત્યુઆંક 750એ પહોંચ્યો છે. સુરતમાં વધુ એક ચેપગ્રસ્તે દમ તોડતા ત્યાં કુલ 65ના મૃત્યુ થયા છે.

આ બેઉ હોટસ્પોટ ઉપરાંત મંગળવારે ખેડામાં ચોથુ, પાટણમાં પાંચમુ અને પંચમહાલમાં છઠ્ઠુ મરણ નોંધાયુ છે. આમ, આ મહામારીમાં ગુજરાતમાં 69 દિવસમાં કુલ 919ના મૃત્યુ થયા છે. એક સપ્તાહથી વેન્ટિલેટર પરના દર્દીઓની સંખ્યામાં વધી રહી છે. સોમવારે પહેલીવાર 109 દર્દીઓ વેન્ટિલેટર પર હતા.

આરોગ્ય અગ્રસચિવ ડો.જંયતિ રવિએ મહિનાથી પ્રેસ કોન્ફરન્સ બંધ કરી છે. ત્રણ દિવસથી ફેસબૂક લાઈવ બંધ કર્યા બાદ મંગળવારથી સત્તાવારપણે પ્રસિધ્ધ થતી અખબારી યાદીની ફોર્મેટ બદલી કાઢી છે. એથી જનમાનસમાં ઉઠતા સવાલો પ્રત્યે સરકારની જવાબદેહિતા તો દૂર રહી પણ 68 દિવસથી જે માહિતી જાહેર થતી હતી તેમાં હકિકતો છુપાવાયાનું ચિત્ર ઉપસ્યુ છે. આ કાયમ રહ્યુ તો રોગચાળાની દૈનિક સ્થિતિ સંદર્ભે જનમાનસમાં અસમંસતાઓ, અફવાહોનો દોર વધશે એ નિશ્ચિત છે.

વેન્ટિલેટર પર રહેલાંનો આંકડો આપવા ડો. જયંતી રવિએ કોઈ તસ્દી ન લીધી

સોમવારે ગુજરાતમાં વેન્ટિલેટર પર સારવાર લઇ રહ્યા હોય એવા કોરોનાના દર્દીનો આંકડો અત્યાર સુધીનો સૌથી વધારે એટલે કે 109 હતો તે પછી આજે એટલે કે મંગળવારે સરકારે આ આંકડાની જાહેરાત કરી ન હતી આથી આંકડો જાણવા સંદેશે આરોગ્ય વિભાગના અગ્ર સચિવ ડો જયંતી રવિનો ત્રણ વાર ફોન પર સંપર્ક કર્યો હતો.

જોકે ત્રીજી વાર પણ ફોન એટેન્ડ કરવા ને બદલે તેમણે ટેક્સ્ટ કરવા જણાવ્યું હતું આથી સંદેશે તેમને આ પ્રશ્ન મેસેજ દ્વારા મોકલ્યો હતો આમ છતા રિમાઇન્ડર મેસેજ કર્યા પછી પણ તેમણે કોઇ જવાબ આપ્યો ન હતો.

મંગળવારથી સરકારે નવો ચીલો ચાતર્યો, દસ પ્રકારની વિગતો આપવાનું બંધ કર્યું

– કુલ મૃત્યુમાં કો-મોર્બિડ અવસ્થામાં કેટલા દર્દીઓએ દમ તોડયો અને માત્ર કોવિડ-19ને કારણે કેટલા નાગરીકો મૃત્યુ પામ્યા તે.
– 33 જિલ્લાઓમાં જિલ્લા પ્રમાણે કુલ કેસ, મૃત્યુ, ડિસ્ચાર્જ અને એક્ટિવ (સારવાર હેઠળના) કેસની સ્થિતિનો સંયુક્ત અહેવાલ.
– હોસ્પિટલોમાં સારવાર હેઠળ અત્યંત નાજૂક અવસ્થામાં રહેલા વેન્ટિલેટર ઉપર રહેવા દર્દીઓની સંખ્યા પણ જાહેર થઈ નથી.
– ગુજરાતની હોસ્પિટલમાં કુલ કેટલા દર્દીઓ સ્ટેબલ (ડો.જંયતિ રવિના શબ્દોમાં રૂમ એર ઉપર) છે તેની વિગતો જાહેર ન કરાઈ.
– મૃત્યુ પામેલા કમનસિબ ગુજરાતીઓની ઉંમર તો મહિનાથી જાહેર થતી નથી છે, હવે મહિલા અને પુરૂષનું વર્ગીકરણ પણ બંધ.
– વિશ્વમાં, ભારતમાં અને ગુજરાતમાં કોવિડ-19નો અત્યાર સુધીનો, વિતેલા 24 કલાકોનો અધિકૃત સિનારિયો પણ હવે બંધ
– 104 હેલ્પલાઈનમાં ખરેખર કોરોના રિલેટેડ કોલ્સ કેટલા આવ્યા અને આવા કોલ્સ કરનારા કેટલા નાગરીકોને સારવાર મળી.
– ગુજરાતમાં અત્યાર સુધીમા કુલ કેસ, તેમાં દર્દીઓની વિગતોનું સમગ્રતયા વિતરણ રજૂ કરતુ આખુ કોષ્ટક જ ગાયબ કરી દેવાયુ.
– વિદેશોમાંથી નાગરીકો આવી રહ્યા છે ત્યારે ક્વોરન્ટાઈનમાં કેટલા પ્રાઈવેટ ફેસેલિટી ક્વોરન્ટાઈનમાં છે તે પણ અદશ્ય થયુ.
– વિતેલા 24 કલાકમાં કેટલા ટેસ્ટ કરવામાં આવ્યા તેનો લેખિતમાં જાહેર થતો અલગથી આંકડો હવે મૌખિક પણ બંધ

આ પણ વાંચો :ગુજરાત પર વધુ એક આફત આવી શકે, આવતા અઠવાડીયે વાવાઝોડા સાથે વરસાદની આગાહી